ఒక్క నిముషం నిన్ను మర్చిపోలేని
మనసు యాతన నాకన్నా ఎవరికి తెలుసు
నిశ్శబ్ద పరిమళానికి ఎగిసిన మత్తు
రాత్రి గుసగుసలంత సహజమైనదని తెలిసాక
నిమీలిత నయనాల తడి చినుకులు
నిన్ను చేరలేని విషాదపు ఆనవాళ్ళు
కాగా...
నువ్వు పాడిన పాట మెడ మీదుగా చెవినితాకి
తనువంతా సిగ్గుకమ్మి సంతోషమైన రహస్యం తెలుసా
నువ్వు వెలిగించిన వేయిదీపాలకి
మసకచీకటి మాయమై నా రూపం
ప్రేమసంకేతమైన సంగతి గుర్తించలేదా
విరహాన్ని మాత్రమే మోసేందుకు జన్మనెత్తిన నేను
పిచ్చిదాన్నంటే అస్సలే ఒప్పుకోను
అలా ఎవరన్నా..
ముందుగా...
మానసికారధనలోని ఆహ్లాదత తెలుసుకొమ్మని చెప్తాను
No comments:
Post a Comment