నరాలకొసల మీదుగా నువ్వు పంపిన తరంగాలు
నాలో నింపిన ఆహ్లాదం.. ఓ చల్లని వసంతం
అలిగిన నా కన్నుల వెంట
నీ పదాలు కవితలై తరుముతునట్టు
క్షణాల్లో నవ్వులు విస్తరించేలా
ఏం మత్తు చల్లుతావో చెప్పలేను
మృదువుగా చుంబించిన నుదుటిలో
తడిచిన కుంకుమ పరిమళాన్ని పీల్చుకుని
నీ హృదయలయల ప్రవాహమంతా నావైపుకొచ్చేలా
ఏకాంతవేళ తాదాత్మ్యపు భావనవుతావు తెలుసా..
ప్రియమైన కలల కిలకిలరావాలతో
రేయి వెన్నెలమాటునెలా కరిగిపోతుందో
మాటలకందని మనోహరమైన అభివ్యక్తి
పెదవికి తగిలిన తీపిగా తెల్లారిపోతుంది
No comments:
Post a Comment