// నీ కోసం 59//

ఎంత చూసినా తనివితీరలేదంటాయి కన్నులు
అంతలేసి ఊసులేం చెప్తావో మరి
అసలు నిద్రిస్తున్నానో లేదో కూడా తెలీదు

చూపుల దీపాలు వెలుగుతూ ఉంటుంటే
నువ్వు లేనప్పుడంతా ఇదే వ్యాపకమయ్యింది
అలా అయ్యేందుకే కనుమరుగయ్యావనుకుంటా..

నాతో కలిసి నవ్వుతున్నట్టు కేరింతలు
మేనంతా నువ్వయినట్టు పులకింతలు
నన్ను పిలుస్తూ పాటందుకొనే పెదవులూ
మనసాగక మొదలయ్యే మధురిమలూ
నాకేసి నువ్వెదురొస్తున్నట్టు తహతహలు
నీవైపు నేనేసే అడుగుల్లాంటి పరుగులు

ఇదంతా కలే
అయితే..నువ్వు నిజం చేసేవరకూ..💕💜