నీతో నేను లేనని మౌనాన్ని కప్పుకోకు
నిద్రించే క్షణాల్లో కౌగిలై కాచుకుంటా
అలుకలతో దిక్కులు చూస్తాననుకోకు
నీ కనుసన్నలలోనే కదులుతుంటా నేనెప్పుడూ
నీ నిశ్శబ్దంలో నేను అక్షరమై ప్రతిధ్వనిస్తా
ఒంటరిగా ఉన్నావని నవ్వుల కోసం బెంగపడకు
కాలం సంగతి నాకేం తెలీదు
నీకోసం నేనైతే వసంతమై విరబూస్తా కోరినప్పుడు
నిత్యం నీ అలికిడితో మనసు నింపుకున్నాక
మిగిలిపోయే రాగాలేముంటాయని..
అంటే..
నిరీక్షణలో ఒళ్ళంతా కళ్ళైతేనేమి
నువ్వొస్తావన్న నమ్మకం నాకున్నప్పుడు
No comments:
Post a Comment