// నీ కోసం 62 //

నిశ్శబ్దపు మత్తువీడిన చీకటి
నీ కలవరింతలతోనే వేకువై ఉదయించింది

తనువును తాకి గిలిగింతలు పెట్టేందుకొచ్చిన గాలి
నా నిట్టూర్పుల వెచ్చదనానికేమో విసుక్కుంది

నీ హృదయం నవ్విన సవ్వడి
ఆదమరపులోనూ నాకు వినిపిస్తూ
కాలాన్ని అధిగమించే మలుపులో
నన్ను నిలబెట్టి నీతో శృతి కలపమంది

నాకు పరిమళాన్ని పంచిన విరజాజులే
రేయంతా నీకు తోడున్నాయని తెలిసి
గొంతులో మొదలైన కంపిత గమకం
గుమ్మడిపువ్వులా విచ్చిన పెదవయ్యింది

నువ్వూ కనురెప్పల తలుపులు తీయొచ్చిక
చిన్ని పలకరింపుతోనే నీ ఉనికి చేర్చేసాక...💕💜