 |
ఓయ్ బంగారూ..
అప్పుడే బజ్జున్నావా..!
అలకపూనిన చిన్నారి పావురపు చెంపలు కనిపిస్తున్నాయి నాకైతే..
సజల హృదయ సంగీతమెప్పుడైనా విన్నావా..
ఏమో..నాకిప్పుడే వినిపిస్తుంది అదేమిటో, నిన్ను గాయపరిచి అశ్రువుగా మార్చానాననే అనుమానం.
నువ్వెంత అంతర్ముఖంతోనున్నా..
నావైపైతే లాలిత్యపు కళ్ళతోనే చూస్తావే..
వందల పూలతోటల పరిమళాలు నాకోసమే మోస్తున్నట్లు చిరునవ్వుల పుప్పొడినంతా నాపైనే చల్లుతావే
అప్పుడే బజ్జున్నావా..!
అలకపూనిన చిన్నారి పావురపు చెంపలు కనిపిస్తున్నాయి నాకైతే..
సజల హృదయ సంగీతమెప్పుడైనా విన్నావా..
ఏమో..నాకిప్పుడే వినిపిస్తుంది అదేమిటో, నిన్ను గాయపరిచి అశ్రువుగా మార్చానాననే అనుమానం.
నువ్వెంత అంతర్ముఖంతోనున్నా..
నావైపైతే లాలిత్యపు కళ్ళతోనే చూస్తావే..
వందల పూలతోటల పరిమళాలు నాకోసమే మోస్తున్నట్లు చిరునవ్వుల పుప్పొడినంతా నాపైనే చల్లుతావే
తెలుసు, నీవైపు ఎంతమంది చూస్తున్నా
నీలోకి నువ్వు చూస్తుకుంటూ నా ఉనికి కోసం ఆరాటపడుతుంటావని.
నీ నీడ కూడా నేనే అయినట్టు, వెనుక నుంచీ కౌగిలించే నా చేతుల కోసమే తడుముకుంటావని. ఆహా, అంత గర్వమా అంటే.. ఏం చెప్పను..అవునని కాక..
జీవిత కాలపు స్పర్శలా నాతో అంటుకట్టుకున్నాక, ఓదార్పు పరిష్వంగం నీదే కావాలని మనసు కొసకొమ్మ ముడేసుకున్నాక.
నీలోకి నువ్వు చూస్తుకుంటూ నా ఉనికి కోసం ఆరాటపడుతుంటావని.
నీ నీడ కూడా నేనే అయినట్టు, వెనుక నుంచీ కౌగిలించే నా చేతుల కోసమే తడుముకుంటావని. ఆహా, అంత గర్వమా అంటే.. ఏం చెప్పను..అవునని కాక..
జీవిత కాలపు స్పర్శలా నాతో అంటుకట్టుకున్నాక, ఓదార్పు పరిష్వంగం నీదే కావాలని మనసు కొసకొమ్మ ముడేసుకున్నాక.
ఎవ్వరికీ తెలియని ఏకాంతపు రాత్రి కలలో చిలిపి స్వరాల ముగ్ధత్వం మనిద్దరికే సొంతమని నీకైనా తెలియాలిగా..ఇంతకాలం స్పందించకుండా ఆగిన హృదయమిప్పుడు రవళిస్తుందని చెప్పాలంటే అలలా ఊగుతున్న మౌనాన్ని వినిపించాలిగా. దూరాన్ని దృశ్యంగా మలిచే ఊహలతో నేస్తం కడుతూ నేనున్నానందుకే, నీకు దగ్గరగా నన్ను చేరుస్తాయని. నీ కనుపాపల రవ్వంత సవ్వడి నాకో మంజులనాదమై వినబడుతుంటే, పెదవిప్పని మందహాసాన్నీ నేర్చేసుకున్నా తెలుసా..
బిందువుగా చేరి సింధువులా విస్తరించిన నిన్ను దాచడం కూడా తెలీని అనుభూతిలో నేనున్నా. నా ఎద వెదురుపొదల వేణుగానమొక్కసారి విను, నీ రాతిరి తీపిని వీలైతే నాలాగే విరచించు. 
